नांदेड जिल्हा

पाच पोलीस कर्मचाऱ्यांना महासंचालकांचे सन्मानचिन्ह प्रदान

बबनराव वाघ, उपसंपादक

न्युज नांदेड, दि. 15 : नांदेड पोलीस दलातील पाच पोलीस कर्मचाऱ्यांना राज्याचे सार्वजनिक बांधकाम मंत्री तथा नांदेड जिल्ह्याचे पालकमंत्री अशोक चव्हाण यांच्या हस्ते पोलीस महासंचालकांचे सन्मानचिन्ह प्रदान करण्यात आले.

भारतीय स्वातंत्र्य दिनाच्या 73 वा वर्धापन दिनानिमित्त जिल्हाधिकारी कार्यालयात आयोजित मुख्य शासकीय समारंभात हे सन्मानचिन्ह देण्यात आले. सहायक पोलीस उपनिरीक्षक खामराव वानखेडे, पोलीस हेड कॉन्स्टेबल अशोक देशमुख, पोलीस नाईक सुर्यकांत घुगे, मारोती केसगीर, शामसुंदर छत्रकर यांना ही सन्मानचिन्ह प्रदान करण्यात आले.

यावेळी जिल्हा परिषद अध्यक्षा श्रीमती मंगाराणी अंबुलगेकर, महापौर श्रीमती दिक्षा धबाले, आमदार सर्वश्री अमर राजूरकर, मोहन हंबर्डे, बालाजी कल्याणकर, जिल्हाधिकारी डॉ. विपीन इटनकर, पोलीस अधिक्षक विजयकुमार मगर, मनपा आयुक्त डॉ. सुनिल लहाने, अप्पर जिल्हाधिकारी खुशालसिंह परदेशी, जिल्हा परिषदेचे प्रभारी मुख्य कार्यकारी अधिकारी डॉ. शरद कुलकर्णी, विविध विभागांचे अधिकारी, कर्मचारी, निमंत्रितांची उपस्थिती होती.

Related Articles

Leave a Reply

Your email address will not be published. Required fields are marked *

Back to top button
error: कृपया कॉपी करू नका. मुख्य संपादक