जालना जिल्हातंत्रज्ञान

लॉकडाऊनच्या काळात ही विद्यार्थ्यांचा अभ्यास सुरू

काळे यांच्या याच्या उपक्रमाला उत्स्फूर्तपणे प्रदिसाद

अकोलादेव न्यूज

जगभरात कोरोना या विषाणू ने धुमाकूळ घातला असून आपला देश व राज्यही अपवाद ठरले नाही. त्यामुळे पॉझिटिव्ह म्हटले की अंगावर भीतीचे शहारे उभे राहतात.शासनाने जाहीर केलेल्या लॉकडाऊन मध्ये राज्यातील सर्व शाळांना सुट्टी जाहिर केली असून दरम्यानच्या काळात सर्वांना घरात राहून काम करण्याचे आदेश देण्यात आले आहे.शाळांत शिकणाऱ्या बालगोपाल यांची वाचन,चिंतन व मनन करण्याची प्रक्रिया वाढावी यासाठी देळेगव्हाण येथील जिल्हा परिषद शाळेचे शिक्षक श्री काळे यांनी शाळेतील सर्व मुलांच्या पालकांचे मोबाईल क्रमांक जमा करून व पुढाकार घेऊन व्हाटसप ग्रूप तयार करून मुलांना दैनंदिन अभ्यास क्रम देण्यास सुरुवात केली आहे. त्यांच्या या उपक्रमाला पालकांनी व मुलांकडून भरभरून प्रतिसाद मिळत आहे.

या सुट्टीच्या काळात बहुतांश विद्यार्थी टीव्ही समोर किंवा मोबाईल गेम खेळण्यात गुंग न राहता या वेळेचा सदपयोग कसा करता येईल या मूळ उद्देशाने जिल्हा परिषद शाळेतील शिक्षक काळे यांनी शाळेतील प्रत्येक वर्गातील पालकांचा एक ग्रुप तयार केला असून प्रत्येक शिक्षकांना एका वर्गाची जबाबदारी दिली आहे.

या सोशल मीडियाच्या माध्यमातून शाळेतील शिक्षक पहिल्या वर्गापासून ते आठव्या वर्गाबाबत  मुलांना अभ्यास देऊन पालकांना मुलाकडून अभ्यास करून घेण्यासाठी सांगत आहेत. यामध्ये शब्द लिहा, वाक्य समानार्थी शब्द, विरुद्ध शब्द, अंकगणित, विज्ञानाचे प्रयोग, चित्र काढणे,इंग्रजी शब्द शुद्धलेखन, जनरल नॉलेज ,इत्यादी गृहपाठ देऊन तो झाला तर तो अभ्यास त्या ग्रुपवर अपलोड करण्यात येतो.यात सदरील वर्गाचे शिक्षक काही उणिवा असल्या की त्या काढून त्या दुरुस्ती कशा पद्धतीने करायच्या याचे सविस्तर मार्गदर्शन ग्रुपवर करण्यात येत आहे. अनेक मुलांना स्माईल देऊन गौरव केला जातो.

एक महत्वाची बाब म्हणजे आपल्या शिक्षकांसोबत पालकही आपल्या अभ्यासा चे फोटो घेतात यातून मुलांना वेगळा आनंद मिळत आहे.विशेष म्हणजे काळे सर आज कुठला उपक्रम देतात याकडे सर्व पालकांचे लक्ष वेधले असतात.

ज्या मुलांच्या पालकांकडे अँड्रॉइड मोबाईल नाही त्यांच्या करिता काळे संपर्क साधून शालेय शिक्षण समिती अध्यक्ष किंवा सदस्य यांच्याकडून गृहपाठा साठी मदत दिली जात आहे

Related Articles

Leave a Reply

Your email address will not be published. Required fields are marked *

Back to top button
error: कृपया कॉपी करू नका. मुख्य संपादक