जालना जिल्हा

जिल्ह्यातील जालना,अंबड, भोकरदन,मंठा, घनसावंगी,परतूर, आष्टी, जाफराबाद, बाजार समितीत कापूस खरेदी ला सुरवात

कोरोना टाळण्यासाठी,हाट्सउप च्या माध्यमातून होईल नोंदणी

जालना कृषी उत्पन्न बाजार समिती सभापती अर्जुन खोतकर यांच्या पुढाकाराने सुरू

जालना न्यूज – लॉकडाऊन वाढीमुळे खरेदी रखडल्याने मोसंबी व कापूस उत्पादक शेतकऱ्यांच्या अडचणी सोडविण्यासाठी शिवसेना नेते तथा जालना कृषी उत्पन्न बाजार समिती चे सभापती अर्जुन खोतकर व जिल्हा उपनिबंधक योगेश चव्हाण यांनी पुढाकार घेतला असून रखडलेली खरेदी प्रकिया पुर्ववत सुरू करण्यासाठी मोसंबी व कापूस उत्पादक शेतकऱ्यांनी प्रत्येक तालुका स्तरावर गर्दी टाळून तसेच घरबसल्या नोंदी कराव्यात. असे आवाहन सभापती अर्जुन खोतकर आणि जिल्हा उपनिबंधक योगेश चव्हाण यांनी केले टप्प्या – टप्प्याने खरेदी करून शेतकऱ्यांना चिंता मुक्त केले जाईल. असे ही त्यांनी आश्वस्त केले.

जालना

मोसंबी व कापूस उत्पादक शेतकऱ्यांनी आपल्या व्यथा सोडविण्यासाठी अर्जुन खोतकर यांच्याकडे मागणी केली. त्यांनी तात्काळ पुढाकार घेत तोडगा काढण्यासाठी गुरूवारी ( ता. १६) कृषी उत्पन्न बाजार समिती च्या सभागृहात अधिकारी, जिनिंग मालक व मोसंबी अडतिया व्यापारी यांची सोशल डिस्टन्स चे पालन करून व्यापक बैठक घेतली. या वेळी जिल्हा उपनिबंधक योगेश चव्हाण, सहायक निबंधक परमेश्वर वरखडे, सी. सी. आय. चे अधिकारी हेमंत ठाकरे, अहिरे,बाजार समिती चे संचालक अनिल सोनी,रमेश तोतला,पंडित भुतेकर,गोपाल काबलिये,नितीन जेथलिया, कार्यालयीन अधिक्षक शरद तनपुरे, बाजार समिती चे सचिव रजनीकांत इंगळे यांची उपस्थिती होती. मोसंबी उत्पादक जिल्हा म्हणून नावलौकिक असलेल्या जालना जिल्ह्यातील मोसंबी निर्यातीस लॉकडाऊन वाढीमुळे मोठा फटका बसला आहे. जिल्ह्यात पस्तीस ते चाळीस हजार टन मोसंबी अजूनही तशीच शिल्लक आहे.शिवाय सर्वञ ज्यूस सेंटर ची दुकाने बंद आहेत. तरीही अशा परिस्थितीत तीनशे टन मोसंबी रोज निर्यात करावी या करिता बाजार समिती सर्व सहकार्य करेल. असे सभापती खोतकर यांनी सूचविताच अडतिया व मोसंबी व्यापाऱ्यांनी तयारी दर्शविली. मोसंबी उत्पादक शेतकऱ्यांनी बाजार समिती त नोंदणी केल्यानंतर व्यापाऱ्यांना खरेदी साठी पाठवले जाईल. असा समन्वयी तोडगा अर्जुन खोतकर यांनी काढला. तथापि शेतमाल वाहतूकीसाठी केंद्र व राज्य शासनाने परवानगी दिली आहे. मुख्यमंत्री उध्दव ठाकरे यांनी शेतमालास प्रोत्साहन देण्यासाठी धोरण घेतल्याने मोठी अडचण दूर झाली आहे. तेव्हा मोसंबी व कापूस उत्पादक शेतकऱ्यांनी प्रत्येक तालूका स्तरावर बाजार समिती च्या ई- मेल, व्हाट्सऍप नंबर वर नोंदी कराव्यात असे आवाहन ही अर्जुन खोतकर यांनी केले. दरम्यान कापूस हा नाशवंत नसून कापूस उत्पादक शेतकऱ्यांनी संयम बाळगावा असे सांगून अर्जुन खोतकर व जिल्हा उपनिबंधक योगेश चव्हाण यांनी जिनिंग मालक आणि सी. सी. आय. ने खरेदीसाठी परवानगी दिली तरच कापूस खरेदी केली जाईल. संमती व नोंदणी शिवाय कोणत्याही शेतकऱ्यांनी कापूस विक्रीस आणू नये. नाशवंत नसल्याने दीड महिन्या नंतर ही कापसाचा विचार करता येईल. नाशवंत असलेली मोसंबी व अंगूर यांचा प्राधान्याने विचार केला जाईल असे अर्जुन खोतकर यांनी सांगितले. बैठकीस लेखापाल प्रभाकर जाधव, पर्यवेक्षक अनिल खंडाळे, मोहन राठोड, राजू हिवाळे, प्रसाद काकडे, संजय जाधव, यांच्यासह जिनिंग मालक, अडतिया व्यापारी उपस्थित होते. आवश्यक कागदपत्रे…! विक्री साठी राहिलेल्या मोसंबी व कापूस उत्पादक शेतकऱ्यांनी आधार कार्ड, बँक पासबुक, पेरा असलेला सातबारा ही सर्व कागदपत्रे बाजार समिती च्या ईमेल वर जमा करावीत. जालना तालुक्यातील शेतकऱ्यांनी गर्दी टाळून घरबसल्या ९४२०८२११११या क्रमांकावर कागदपत्रे WhatsApp करावी असे सभापती अर्जुन खोतकर यांनी कळवले आहे

Related Articles

Leave a Reply

Your email address will not be published. Required fields are marked *

Back to top button
error: कृपया कॉपी करू नका. मुख्य संपादक