Breaking News
तंत्रज्ञान

राजर्षी शाहू कनिष्ठ महाविद्यालयाने सुरू केले ऑनलाईन लर्निंग

संचारबंदी च्या काळातही चालू ऑनलाइन वर्ग

कोरोनामुळे थांबणार नाही विद्यार्जन – प्राचार्य डोहिफोडे यांचा उपक्रम

पारध न्यूज (ता.भोकरदन)
कोरोना या विषाणूने जगभरात थैमान घातलेले असून भारताला देखील याची झळ बसली आहे. कोरोनाचा प्रादुर्भाव रोखण्यासाठी देशात “संचारबंदी” करण्यात आली आहे. कोरोना विषाणूचा वाढता फैलाव पाहता खबरदारीचा उपाय म्हणून विविध शाळा, महाविद्यालयांना 30 एप्रिल पर्यंत सुट्ट्या देण्यात आल्या आहेत .


परंतु या लॉकडाऊन च्या काळात विद्यार्थ्यांचे शैक्षणिक नुकसान होऊ नये यासाठी पारध येथील राजर्षी शाहू कनिष्ठ महाविद्यालयाने विद्यार्थ्यांसाठी ऑनलाइन लेक्चर्स हा उपक्रम सुरू केला आहे. वर्षभर शिक्षकांना विद्यार्थ्यांना वर्गात शिकवून अभ्यासक्रम पूर्ण केला मात्र परीक्षेच्यावेळी वेळी कोरोना व्हायरसने राज्यात धुमाकूळ घातला आहे. त्यामुळे विद्यार्थ्यांचे नुकसान टाळण्यासाठी राजर्षी शाहू कनिष्ठ महाविद्यालयाने यावर पर्याय शोधला आहे तो म्हणजे ऑनलाईन लर्निंग. पालक व विद्यार्थ्यांकडे असलेल्या मोबाईलचा वापर करून एका विशिष्ट ॲप द्वारे विद्यार्थ्यांना ऑनलाईन शिकवणी दिली जात आहे. या उपक्रमामुळे पालकांनी आणि विद्यार्थ्यांनी समाधान व्यक्त केले आहे. संस्थेचे संस्थापक सचिव डॉ. सुखदेव मांटे व प्राचार्य राजाराम डोईफोडे यांच्या मार्गदर्शनाखाली प्राध्यापक अमोल बांडगे, प्रा. अर्जुन राजबिंडे, प्रा. मंगेश लोखंडे, प्रा. वरूण आंबेकर , प्रा. लक्ष्मण खरात , प्रा. डी. जे. भोसले, प्रा.डी. डी. सोनुने, प्रा. राजू धनवई सर, प्रा. डी. एस. कापरे, प्रा. स्वरांजली जंगले आदी प्राध्यापक व्हिडिओ कॉन्फरन्स द्वारे विद्यार्थ्यांशी संवाद साधून ऑनलाईन वर्ग घेत आहेत.

अश्या प्रकारे व्हिडीओ कॉल च्या माध्यमातून विद्यार्थ्यांना मार्गदर्शन केले जात आहे

सुरुवातीच्या पहिल्या टप्प्यात विद्यार्थ्यांच्या संबंधीत विषयातील मूलभूत संकल्पना आणि उपयोजित ज्ञानदान करण्यावर भर असणार आहेत . तसेच पुढील टप्प्यात विविध तज्ज्ञ प्राध्यापकांकडून विद्यार्थ्यांना मोलाचे मार्गदर्शन मिळणार आहे याचा सर्व विद्यार्थ्यांनी याचा लाभ घ्यावा असे आवाहन यावेळी प्राचार्य राजाराम डोईफोडे यांनी केले आहे.

Related Articles

Leave a Reply

Your email address will not be published. Required fields are marked *

Back to top button
error: कृपया कॉपी करू नका. मुख्य संपादक