तंत्रज्ञानबदनापूर तालुका

बदनापूर पोलीस ठाण्यात सॅनिटाईझर कक्ष


बदनापूरन्यूज : देशासह राज्यभरात कोरोना विषाणूचा संसर्ग वाढत चालल्याने प्रतिबंधात्मक उपाययोजना राबविण्यावर आता सर्वांचा भर आहे. बदनापूर पोलिस ठाण्यात येणाऱ्या अधिकारी, कर्मचारी व अभ्यागतांना कोरोनाचा संसर्ग होऊ नये म्हणून दक्षता घेतली जात आहे. त्यामुळे जालना येथील महिको या बियाणे कंपनीने संपूर्ण संपूर्ण शरीराचे निर्जंतुकीकरण (सॅनिटाईझर) करणारे यंत्र बदनापूर पोलिस ठाण्याला भेट दिले आहे. या यंत्राची निर्मिती गोशक्ती कंपनीने केली असून आपण यंत्रातून प्रवेश करताना सॅनिटाईझरची आपल्या संपूर्ण अंगावर फवारणी होते. त्यातून शरीराचे निर्जंतुकीकरण होत असल्यामुळे कोरोना विषाणूचा धोका काही प्रमाणात कमी होतो.
कोरोना विरोधात लढण्यासाठी गो शक्ती या कंपनीने बॉडी निर्जंतुकीकरण यंत्र तयार केले आहे. महिको कंपनीच्या वतीने बदनापूर पोलीस ठाण्यात  सदर यंत्र उभारण्यात आले आहे.
कोरोनाच्या या अशा परिस्थितीत अत्यावश्यक सेवेत काम करणाऱ्या कर्मचाऱ्यांना तसेच येणाऱ्या नागरिकांना कोरोनाची बाधा होऊ नये म्हणून पोलीस प्रशासन युद्ध पातळीवर उपाययोजना करत असून या उपाययोजनेंतर्गतच खबरदारी म्हणून हे निर्जंतुकीकरण मशीन उभारण्यात आले आहे.
या अत्याधुनिक मशीनमध्ये 25 लिटर पाण्याची टाकी लावून त्यामध्ये पॉलिमेरिक बेक्यूनाइड हैड्रोक्लोराईडचे 0.5 टक्के हे प्रमाण वापरून निर्जंतुकीकरण करण्यात येते.अशी माहिती पोलीस निरीक्षक एम बी खेडकर यांनी दिली
या अत्याधुनिक निर्जंतुकीकरण मशीनमध्ये व्यक्तीने प्रवेश केल्यानंतर  स्प्रे सुरू होतो.10 सेकंदांमध्ये संपूर्ण शरीरावर सॅनिटाझर स्प्रे होऊन व्यक्तीच्या डोक्यापासून पायापर्यंत संपूर्ण शरीर निर्जंतुकीकरण केले जाते.

Related Articles

Leave a Reply

Your email address will not be published. Required fields are marked *

Back to top button
error: कृपया कॉपी करू नका. मुख्य संपादक