जालना क्राईमजालना तालुकादिवाळी अंक २०२१
गुटखा माफिया विरूध्द मोक्का अंतर्गत कारवाई करा
मयूर अग्रवाल यांची पोलीस महासंचालकांकडे मागणी
जालना (प्रतिनिधी) : महाराष्ट्र राज्यात गुटखा विक्रीवर शासनाने बंदी घातलेली असतांनाही तंबाखुजन्य गुटख्याची खुलेआमपणे विक्री सुरू आहे. जालना जिल्हाच नव्हे तर मराठवाडयाचा गुटखा माफिया अशी ओळख असलेल्या एकावर विरूध्द अनेक गंभीर गुन्हे दाखल असून त्यानंतरही जयस्वाल नामक हा पोलीस प्रशासन आणि अन्न व औषधी प्रशासन विभागाच्या नाकावर टिच्चून बेकायदेशीर गुटखा विक्री करत आहे. संबंधीताविरूध्द तात्काळ मोक्का अंतर्गत कारवाई करावी अशी मागणी मयूर अग्रवाल यांनी पोलीस महासंचालकांकडे निवेदनाद्वारे केली आहे.
या निवेदनात अग्रवाल यांनी म्हटले आहे की, महाराष्ट्र शासनाने गेल्या काही वर्षांपासून राज्यात गुटखा बंदी केली आहे. मात्र जालना जिल्ह्यासह मराठवाडा विभागात गुटख्याची मोठया प्रमाणात विक्री केली जात आहे. जालना शहरातील रहिवाशी असलेला हा गुटखा माफिया जालना शहर आणि जिल्ह्यासह संपुर्ण मराठवाडा विभागात आपल्या एजंटांच्या माध्यमातून अवैधरित्या गुटखा विक्री करत आहे.
गुटख्यामध्ये तंबाखु, गुटखा, पान मसाला यामध्ये अफिम व अन्य घातक अंश असल्याने अनेक तरूणांना तोंडाचे कॅन्सर जडत आहे. सुंगधित तंबाखु, पान मसाला उत्पादन विक्रीस प्रतिबंध असतांना देखील जालना शहरातील कुविख्यात एक गुटखा माफिया हा खुले आम गुटखा विक्री करत आहे. त्याच्या या गुटखा विक्रीस तत्कालीन पोलीस अधिक्षक एस. चैतन्य व अतिरिक्त पोलीस अधिक्षक समाधान पवार यांनी प्रतिबंध करत सन 2015 ते 2020 या कालावधीत अनेकवेळा त्याच्या गोडावूनवर छापे टाकुन कोट्याधी रूपये किंमतीचा गुटखा जप्त करत तब्बल 18 वेळा गुन्हे दाखल केले असून त्यात कलम 328 नुसार अनेक गुन्हे दाखल आहेत.
एकावर याच्यावर दाखल असलेले गुन्हे लक्षात घेवून तत्कालीन पोलीस अधिक्षक एस. चैतन्य यांनी एम. पी. डी. ए. मोक्का अंतर्गत कारवाईचा प्रस्ताव सादर करण्याचे आदेश जालन्याचे तत्कालीन उपविभागीय पोलीस अधिकारी सुधिर खिरडकर यांच्या मार्फत सदर बाजार पोलीस ठाण्याला आदेशीत केले होते असे या निवेदनात नमूद करण्यात आले आहे.
एकावर याच्यावर दाखल असलेले गुन्हे लक्षात घेवून तत्कालीन पोलीस अधिक्षक एस. चैतन्य यांनी एम. पी. डी. ए. मोक्का अंतर्गत कारवाईचा प्रस्ताव सादर करण्याचे आदेश जालन्याचे तत्कालीन उपविभागीय पोलीस अधिकारी सुधिर खिरडकर यांच्या मार्फत सदर बाजार पोलीस ठाण्याला आदेशीत केले होते असे या निवेदनात नमूद करण्यात आले आहे.
सदर बाजार पोलीसांनी जयस्वाल विरूध्द दाखल असलेल्या गुन्ह्यावरुन एम. डी. डी. ए. मोक्का कायद्याअंतर्गत कारवाईचा प्रस्ताव तयार करुन उपविभागीय कार्यायालयाकडे सादर केला होता. परंतु निलंबित व लाचखोर उपविभागीय पोलीस अधिकारी सुधिर खिरडकर व गुटखा माफीया सतिश जयस्वाल या दोघांमध्ये घनिष्ठ सबंध असल्याने खिरडकर यांनी पोलीस अधिक्षक जालना यांच्याकडे पाठविण्यात येणाऱ्या प्रस्तावात मुद्दाम त्रुटी ठेवल्या होत्या. त्यामुळे गुटखा माफिया जयस्वाल विरूध्द मोक्का अंतर्गत कारवाईचा प्रस्ताव बारगळला होता. महत्वाची बाब म्हणजे जिल्हा पोलीस अधीक्षक एस. चैतन्य यांची जालना येथून बदली झाल्यानंतर पोलीस प्रशासनातील वरिष्ठ अधिकाऱ्यांसह सर्व पोलीस अधिकारी व अन्न व औषधी प्रशासन विभागातील भ्रष्ट अधिकाऱ्यांचा अभय असल्यामुळे गुटखा माफिया ने गुटखा विक्रीची पाळेमुळे थेट मराठवाडा विभागात रोवली आहेत. या प्रकरणी आपण गांभीर्याने लक्ष घालून गुटखा माफिया जयस्वाल विरूध्द मोक्का अंतर्गत कारवाई करावी तसेच त्यास गुटखा विक्रीसाठी पाठबळ देणाऱ्या पोलीस अधिकाऱ्यांविरूध्द देखील ठोस कारवाई करावी अशी मागणी पोलीस महासंचालकांना दिलेल्या निवेदनात मयुर अग्रवाल यांनी केली आहे.
दहा प्रकरण न्यायालयात दाखल
गुटखा माफिया विरूध्द जालना शहरातील सदर बाजार, कदीम जालना, चंदनझिरा आदी पोलीस ठाण्यांमध्ये अवैध गुटखा साठवणूक व विक्री प्रकरणी तब्बल 18 गंभीर स्वरूपाचे गुन्हे दाखल आहे. त्यापैकी 10 गुन्हे न्यायालयात प्रविष्ट असून 10 पैकी 4 प्रकरण प्रथमवर्ग न्यायदंडाधिकारी, जिल्हा व सत्र न्यायालयात 2, मुख्य न्यायदंडाधिकारी यांच्या न्यायालयात 3, अतिरिक्त मुख्य न्यायदंडाधिकारी यांच्या न्यायालयात 1 प्रकरण दाखल आहे. या सर्व प्रकरणात न्यायालयात सुनावण्या सुरू असून विविध पोलीस ठाण्यात गुन्हे दाखल असतांना जयस्वाल हा पोलीस प्रशासन व अन्न व औषधी प्रशासन विभागातील अधिकाऱ्यांच्या आशिर्वादाने बंदी असलेला गुटखा त्या त्या जिल्ह्यात असलेल्या आपल्या एजंटामार्फत मराठवाडा विभागात खुलेआमपणे विक्री करत आहे.
